Grade 12 Applied Mathematics [SIN]

Grade 12 Applied Mathematics lessons in Sinhala.

ගණිත න්‍යායයන් නිවැරදිව හා තර්කානුකූලව ඉගෙනීම වෙනුවට, විභාගය සමත්වීම පමණක් අරමුණු කරගෙන ඉගෙනගැනීමේ ප්‍රතිඵලයක් වශයෙන් තර්කානුකූලව සහ ස්වාධීනව කටයුතුකළ නොහැකි සිසුන් අති බහුතරයක් පසුගිය දශක කිහිපය තුල සරසවියට ප්‍රවිෂ්ඨ වනු දැකීම උසස් පෙළ සංයුක්ත ගණිතය විෂය නිර්දේශය ආවරණය වන පරිදි මෙම  වීඩියෝ පෙළ සිංහලෙන්  නිෂ්පාදනය කිරීමට ප්‍රධාන සාධකය විය. අපේ අරමුණ අනාගත සිසු පරපුර එම සොදාපාලුවෙන් බේරාගැනීමයි.

විෂය කරුණු ඉතාමත් සරලව, නිවැරදිව සහ ක්‍රමානුකුලව පහදා දී, දරුවන්ට තනිවම තේරුම්ගත හැකිවන අයුරින් මේ වීඩියෝ පෙළ නිර්මාණය කර ඇත. ඒ සඳහා අවශ්‍ය පාඩම් සටහන් වලත්, නිෂ්පාදනය කරන වීඩියෝ වලත්  නිරවද්‍යතාව තහවුරු කිරීම සඳහා අප කණ්ඩායම විසින් විශේෂයෙන්  අවධානයක් යොමු කරන ලදී.

භාවිත කරන සිසුන්ට/ගුරුවරුන්ට උපදෙස්:

• හොඳින් විෂයකරුනු වටහා ගෙන උසස් පෙළ විභාගයට නියමාකාරයෙන් සූදානම්වීමේදී  වීඩියෝ භාවිතයෙන් ඉගෙනීමේ ප්‍රධාන වාසිය වන්නේ යමක් නොතේරුණු විට වීඩියෝව ආපසු කරකවා තේරුම් ගැනීමට අපහසු දෙය නැවත බැලිය හැකි  වීමයි. එලෙස නොතේරෙන තැන් නැවත බලා හොඳින් තේරුම් ගන්න.
• ගණිතය වැනි විෂයයක් ඉගෙනගැනීමේදී ගණිත සංකල්ප ගැන අවධානය යොමු කරන්න. තර්කානුකූලව න්‍යාය තේරුම් ගැනීමෙන් පසුව ස්වෝත්සාහයෙන් හැකිතාක් ගැටළු විසඳීමෙන් විභාගයට සූදානම් වන්න. මේ වීඩියෝ නැවත නැවත නරඹා, දී ඇති ගැටළු තනිව විසඳා විශ්ලේෂණ හැකියාව දියුණු කර ගැනීමෙන් රටට වැඩදායී සාර්ථක පුරවැසියන් වන්න.
• අමතර පන්තියෙන් පන්තියට යමින් වටිනා කාලය අපතේ නොයවා, ස්වෝත්සාහයෙන් ඉගෙනීමේ හැකියාව දියුණු කරගෙන, එමගින් චින්තන ශක්තියක් ඇති පුද්ගලයෙකු වී, ගණිතය නිරස විෂයයක් නොව සුන්දර, සාරවත් සහ රසවත් විෂයයක් බව තහවුරු කර ගන්න. දෙමාපියන්ගේ සාක්කු වලට සහනයක් ලබාදී, ඔවුන්ගේ ජීවන බර සැහැල්ලු කරන්න.

Department of Mathematics, University of Sri Jayewardenepura

Prof. Sunethra Weerakoon and the Team :

• Mr. Kapila Silva
• Dr. Menaka Liyanage
• Mr. KKWAS Kumara
• Dr. Hiruni Pallage
• Dr. Srimali Abeykoon
• Ms. Chalani Pathirana
• Ms. Piyumi Madhubhashini
• Ms. Dulanjali Karunarathna
• Mr. Gayan Jayasinghe

Contact : combinedmathsvideos.sjp@gmail.com